This link opens in a pop-up window
Zimendu anitz pitzatuak dituzte bilduma honetako pertsonaiek, edo pitzatzear, afektu-dardaraldi betean. Zimendu egonkortzat zituzten horiek …
Aunitz maitatu dut ipuin liburu hau. Zinez harritu nau, onerako bistan dena, Arrularen idazkerak eta ideiak harilkatzeko erak.
Gaur egungo Irakeko landa eremuan, Tigris ibaiaren ertzean, debeku zorrotza hautsi du neskatxa batek: maitasunezko …
Mamiari dagokionez, bertze zer edo zer espero nuela aitortu beharrean naiz, ez dut egiazki sobera maitatu. Pertsonaiak ez zaizkit sinesgarriegiak gertatu, jite mendebalzentrista baduela erranen nuke. Hala sentitu dut nik behinik behin. Itzulpenari eta erritmoari dagokionez alta, maitatu izan dut.
Aitortzen ez ditudan gauza guztiekin egiten dut lo. Iratze-sailak zeharkatu nahiko nituzke ametsetan, eta ni …
Alaskatik abiatu nituen Suarezekikoak eta Irautera aukeratu nuen gero. Erraietara sartzen da bere poesia, pertsonalki iñarrosaldi ederra ekarri dit bere lanera hurbiltzeak; polit, gordin, garbi erraten ditu gauzak, halako erritmo pausatu berezi bat emanez bere poesiari.
Alaska garai batean Altsasun egon zen jatetxe bat izan zen, bidaiariz eta turistaz betea egoten …
Inguratzen zaituen halako giro bat sortzen du Castillok bere poemekin. Alaska limurtzailea, erradikala, lizuna, bizia da. Behin Alaska bukatuta, Suarezen ibilbideari ekin diot, xenda ederrak deskubritzeko.
Arrosa petalozko ildo bati segika, hipnotizatuen gisara, bidea abiatu eta gazte garaietako argazki udatiarretan kurri ibili, haize epel batek irakurraldia inguratzeraino. Edo jende arrunten istorio arrunt batek nola "engatxatu" zaitzakeen 140 orrialdetan zehar.
«Hemen ere, artearen eta bizitzaren eremu guztietan bezala, une gorenak, ahaztezinak, oso arraroak dira», idatzi …
Galarraga zalea naizela aitortzetik abiatu eta bere doinu berezi horrez gozatzeko aitzaki polita da artikulu bilduma hau. Oro har, humanitatearen une gorenak, beherenak eta erditsukoak ere aurkituko dituzue, eta xarmanki erranak gainera.
Barnekotasuna ere aldika zeinen politikoa den erakusten digu Castillok 2004ko poema bilduma honetan.
Juan Kruz Igerabidek badu –liburu honetan esaten digun bezala, betidanik izan du– naturarekiko joera bat, …
Igerabideren birtuosismoaren erakustaldi bat iruditu zait. Entsegu on bat da, bere bizitzako pasarteetara atxikia. Aldika maldan gora ere paratu zait irakurketa baina oro har zinez merezi duela uste dut.
Dena uda akaberako maraguri-basaren zaporekoa izan den irudipena; freskoa, gozoa, samiña, borobila, ahoan luze irauten duena. Leire Vargasen fanklubeko kide egin naiz lehen poemaz geroztik. Txapó!!
Gorputzeraino jeitsi eta hortxetik abiatzen den poesia.
«Utzi nion ikus zitzala nire beldurra eta nire lotsa, gizon bati nahita inoiz utzi ez …
Honatx komunista iraultzaile baten lan eder hunkigarria, azalean eta erraietan atxikitzen den horietakoa. Bide batez, zeinen materialak diren kontu identitarioak aizue, zeinen "baldintza objektibotakoak" alteritate periferikoak eta bazterkeriak. Ezinbertzekoetako bat.